Chek

TESIN COVID-19 NON OREGON

Tes kena ra kan anisi ekkewe aramas a torir COVID-19 ar repwe kan angei tumun me pwan aninis ra kan mochen. Ena tes a kan ew auchean pisekin angang ren awukunon ewe fein fetanen COVID-19 me pwan meni anisi angai ngeni aramas kena tumunun safei kena ra kawor.

COVID-19 tes kena ra kan kawor non Oregon, nge ekkewe nampan tes ra kan kawor a kan anapenap seni akukunun pisekin kena, akaewin nupwen a kan wor ew napenon ren case kena ren COVID-19. Kuuta ew nenien tes mi nom arum ese wor momon, ika kori 211.

Me fan ekeitin Centers for Disease Control me Prevention kena, ekkena a torir asisinin semwenin COVID-19 kena repwe kan mutir angei ew tes non ew fasoun ra tufich, nge ese nifinifin ususun apposur. Ekkena ra kan pwano ngeni emon mi tori ewe COVID-19 (ra nom me non onu fit seni ewe emon mi tori COVID-19 ren esapw mwoch seni 15 minich) repwene kuut tesir esapw mwoch seni nimu ran murin ar pwano ngeni, nge ika mo pwe rese pwarano ekkewe asisinin semwen.

Tes mutir a kan uwawow pungun tes kena non arapakan 15 minich. Ika pwe en ka kan pung tesum ren COVID-19, iwe kopwe kan nonom non imwom me pwan towaw seni ekkoch aramas kena, mi pachenong eom family, ren esapw mwoch seni nimu ran. Ika pwe a wor eom asisinin semwen kewe, iwe kopwe kan eiemuukono tori eom kose chuen no pwichikar ren 24 awa me pwan ekkoch asisinin semwen kena ra kan pwakino. Pungun tes kena rese pung nge ra kan mwaan ra kan fis iteiten. Ew pungun tes ese pung esapw wewen pwe en ese kan toruk COVID-19. Ika pwe en ka kan pwano me pwan pungun eom tes ese pung, en kopwe chuen chok sopweino ne fofori napenapen tumun usun chok eaean ew masku, tonu poum me pwan nom esapw mwoch seni onu fit towaw seni ekkoch aramas ren eom kopwe tumun ekkoch.

Asofonon apposun me pwan apechakunen apposun COVID-19 kenara kan chuen ewe aewin pechakuenen sakkun ngeni pinepinen angaiin semwen seni COVID-19. Mi fakkun auchea ren meinisin ar repwe:

• Angei appos Meinisin ier 6 maram me nap seni ra kan naf ngeni angein ew apposun COVID-19.

• Angei ew apechakunen appos ika pwe en a tori eom fansoun. Aramas kena ier 6 maram me nap seni ir ra kan naf ren ew asofonon apechakunen appos esapw mwoch seni ruwow maram murin eomuwe atetenin appos ika esapw mwoch seni ruwow maram murin ar ewe aewin minafon iei monovaoent (apoputan formulan appos) awukukun apechakunen appos.

Kuuta ifa we me pwan inet kopwe angei appos.

Ika pwe en a pung tesum, nonom non imwom me pwan towaw seni pwan ekkoch, mi pachenong ekkewe aramas ka nom fitir.

Ika en ka mefi semwen:

• Eiemuno ren nimu ran seni nupwen eomuwe ka poputa ne mefi asisinin semwen kewe.

• Tumunun safei kena ra kawor. Churi ewe peichin tumunun safean COVID-19 kena ren chomong tichikin kena.

• Me mwan eom kopwene nom arun ekkoch, kopwe tumunu pwe eomuwe pwichikar a kan wasino ren esapw mwoch seni 24 awa nge esapw seni aninisin safei me pwan eom kewe asisinin semwen ra kan pwakino.

Ika pwe en kose chuen no angei ekkena asisinin semwen kena:

• eiemuno ren nimu ran seni ewe ranin eomuwe tesino.

Asoso me pwan tumunuk. Asinei ngeni eomuwe nenien safei me pwan noumuwe chon awora tumunun safei pwe repwe sinei ika pwe eom kewe asisinin semwen ra kan ngaweno. Ika pwe en ka mochen aninis ne kuuta emon chon awora tumunun safei, iwe kori 211.

Murin nimu ran, iwe en kopwene pwan kan tongeni nom arun ekkoch sefan ika pwe en kan mefieochuno, nge kopwe kan chok chuen fori tumunum ren eom kopwe apeti feinfetanen COVID-19 ngeni ekkoch.

• En kopwe kan iteiten eaea ew masku ren ewapachenongen nimu rannupwen en ka kan nom arun pwan ekkoch aramas. Apeti kaan ngeni aramas kena non tekian ngawer ren osupwangenon seni COVID-19 nupwen ei fansoun.

Eaea 211 pwe epwe ew eom nenien angei aninis

Met en ka mochen mongo, emon chon awora tumunun safei, aninis ika tumunun aninis, ika a wor eom kena kapaseis usun ifa eom kopwe eiemuno?

Kori 211 ren unusenapen kapaseisin COVID-19 kena, ifa usun eom kopwe kuuta tesin ika appos kena, ika aninis fiti pwan ekkoch nenien angei aninis kena.

Churi an ewe Oregon Health Authority we webpage ren chomong poraus.

Met kopwene fori ika pwe ese pung tesum ren COVID-19

Nge ika mo pwe ese pung tesum, kopwe chok angei ekkena fofor ka tongeni ren tumunum. Fan ekkoch tes kena repwene kan mwaan. Ew tes meni esapw kuuna ewe virus ika pwe en a tesino murin chok eomuwe ka semwen. Wewen ei pwe en ka tongeni angei COVID-19 nge ika mo pwe ewe tes a era pwe en kose kan angei. Me pwan kosapw menukano pwe en ka kan pwan tongeni angei pwan ekkoch virus kena en kose kan mochen afeinfetaner. Ika pwe en ka semwen, iwe nonom non imwom ika mi tufich. Kapas ngeni noumuwe chon awora tumunun safei ika pwe en ka nom non tekian ngawen ren fakkun semwen.