Aen doon ilo ejellok uwōta

Jet makūtkūt ko elablok uwōta jen ro jet. Eñin ej jet melele in kajinet im joñan uwōta ko ñan jibañ kwe im ro raurok ibbam bebe im kejbarok jen COVID-19.

1. Bōke wā ak wā in kakajur eo. Wā ej wāween kejbarok eo emmontata ñan kejbarok an armij jab lukkun nañinmij jen aoleb oktak in nañinmij ko an COVID-19.

2. Lomnak am kōnake juon kein kalbubu iturin māj ilo ien am bed ilo jikin ko elab armij ak ien aitel ro jet, elabtata ilo ien am bed iloan em, elañe ewōr juon am nañinmij eo ej likūt eok ilo joñan uwōta eo elablok ñan bōk nañinmij kauwōtata ak elañe kwōj jokwe ibben juon armij eo edeloñ iomwin laajrak kein (riiti melele in kajinet eo ijin).

3. Kōlabtata joñan an maron deloñ diwōj mejatoto kāāl iloan mweo imōm ak opij eo. Kij eo ej kōmman COVID-19 emaron aitok an bed mejatoto. Kōbellok wūnto (elañe joñan molo ko inaboj rej kōmelim mennin) ej kōkmanmanlok an diwōj deloñ mejatoto kāāl im kadiklok joñan kij eo ej kōmman COVID-19 ilo mejatoto. Kwōmaron bar kajo juon deel ak kein karreo mejatoto elañe ewōr juon am. Ñan melele in jibañ ko relablok ñan kōkmanmanlok an deloñ diwōj mejatoto kāāl ilo mweo imōm ak opij eo, lale CDC eo.

4. Ikut am kwal beim, jab diklok jen 20 jekon, ñe ejab kōjerbal juon kein manman kij in ba ewōr jab diklok jen 60% arkool kobban.

5. Manman kij jen ioon jikin ko elab jibwi – kein kōbellok kōjam ko, kōjam in wa ko, jobwe in wa im talebon ko.

6. Jelā ta kakōlkōl ko an COVID-19 im nomba in taktō eo an juon taktō ak rijerbal in ejmour ilo jukjukinbed eo kwōmaron kall ae lok ñe juon armij enaj nañinmij. Ñe ejellok am taktō, kall ae lok 211.

7. Kōmmane juon bebe ñe juon armij ilo mweo imōm enaj nañinmij, bwe ren maron kōjenolok er make ñan joñan eo remaron mae ien renaj mour.

Mae ien enaj mōj an aoleb wā, ej wōt kultien wāween ko jemaron aoleb kōmmani ñan kejbarok armij ro ilo jukjukinbed eo aer jen aer lukkun nañinmij kin COVID-19. Laajrak eo ej joñan uwōta ñan kain makūtkūt ko roktak ñan jibañ am jab nañinmij.

UWŌTA EO EDIK JOÑAN:

• Bed wōt mweo imōm

• Bed inaboj ibbam make

• Bed ibben armij ro kwōj jokwe ibbeir

• Bed ibben armij ro kwōjab jokwe ibbeir, bōtab ebar mōj aer wā

• Bed inaboj ibben armij ro jet im kejbarok an aoleb ettolok 6 ñe jen doon

UWŌTA EO EBWE JOÑAN:

• Bed iloan em ilo jikin ko ilobelej ilo an dedelok am wā, ekōnak kein kalbubu iturin māj im kejbarok am bed 6 ñe ettolok jen ro jet

UWŌTA EO ELAB JOÑAN:

• Jab wā

• Bed ilo jikin ko elab armij im aen doon ilo am jab kōnake juon kein kalbubu iturin māj

• Bed iloan em ak diklok jen 6 ñe ilo jikin ko inaboj ibben armij ro rejañin bar wā

Jen Ebrol 3, 2023: Kein kalbubu im kein bōbrae ko an iturin māj ejab mennin aikuj ilo Oregon, ekoba ilo jikin taktō ko, bejnej ko, imōn kabun ko, jikuul ko an kilaaj K-12 im jikin lale ajiri. Jet jikin taktō ko remaron kelet in wōnmaanlok ekōnak kein kalbubu iturin māj ilo jikin eo aer alikin aer jolok mennin aikuj eo.

Kein kalbubu iturin māj ko rej wōnmaanlok aer wāween eo ejejjet ñan kadiklok an ajeeded nañinmij ko rej walok jen emmenono. Rej wōt rōjañ an jabdewōt armij eo enañinmij, elablok uwōta in an bōk nañinmij kauwōtata jen juon nañinmij in emmenono, ak jokwe ibben juon armij eo elablok uwōta ñan an nañinmij. Jabdewōt armij eo enaj kelet in wōnmaanlok in ekōnak kein kalbubu iturin māj aikuj ilo ejellok an inebata ak aliklik.

Wōn eo aikuj woñmaanlok in ekōnak kein kalbubu iturin māj?

Jekdoon ejako mennin aikuj eo ñan ad ekōnak kein kalbubu iturin māj ibelakin Oregon, ej lab wōt an jejjet aer jerbal ñan bōbrae an jab ajeeded COVID-19. Elōñ armij in Oregon renaj make kelet in woñmaanlok in ekōnak kein kalbubu iturin māj.

Emōj rōjañ am woñmaanlok in ekōnak kein kalbubu iturin māj elañe:

* Kwōjañin wā

* Kwōrūttolok jen 65 am iiō

* Emōjno an enbwinnim maron bōbrae jen nañinmij

* Ewōr juon am nañinmij kadede ej kōmman an lablok uwōta ñan an kauwōtata am nañinmij jen COVID-19

*Jokwe ibben juon armij eo edeloñ iomwin juon ian laajrak kein

Kim ej jibañ maron ko an aoleb armij ilo aer kelet in ekōnak kein kalbubu iturin māj.

Kwōmaron loe pija ko rej walok ilo social media, kōjella ko ilo bejnej ko im wāween ko jet rej lelok melele jen Opij eo an Ejmour ilo Oregon (Oregon Health Authority).

Ta eo in kōmmane ñe juon armij enaj kabnōnō na kin aō woñmaanlok in ekōnak kein kalbubu iturin māj?

Kabnōnō, kalijeklok, kōjenolok ak makūtkūt ko jet rekauwōtata ñan armij ro rej ekōnak kein kalbubu iturin māj, jekdoon rej mennin aikuj ak jab, emaron mo iomwin kakien eo an Oregon. Ñe kwōj tōmak ewōr mantin akejdāt ak kalijeklok eo ejab melim iomwin kakien kin am ekōnak kein kalbubu ak kein bōbrae iturin māj ilo jikin ko ilobelej, ewōr mennin jibañ ko ñan kwe.

• Ñan ripoot kin juon bōd in kakien ikijen kalijeklok, kall ae lok lain eo ejab an idin jorrāān an bulijmaan ilo jukjukinbed eo am.

• Ñan ripoot kin juon mantin kalijeklok, kall ae lok Ra eo ej lale Maron in Jimwe ko an Armij ilo (Oregon Department of Justice) ilo 844-924-BIAS (2427).

• Ñan bael ae juon abnōnō kin maron ko an armij ilo jikin, lale Opij eo e bōk eddoin kakien ko rej kejbarok rijerbal im jikin jerbal ko (Bureau of Labor and Industries, BOLI) ñe ejab kall ae lok 971-673-0764.

• Ñan melele ko relablok, etal ñan StandAgainstHate.Oregon.gov.

Ñe kwōjaroñroñ, kall ae lok 711 ñan Oregon Relay.

Elōñ ien aen doon ko rej ien jar im kōjerammon. Ilo an wōr wā im wā in kakajur ko kiō, Oktak joñan uwōta ñan nañinmij ñan aoleb armij. Ñe kwe im armij ro kwōj bed iturier enaj dedelok wā im wā in kakajur ko ñan COVID-19, uwōta ko ñan am lukkun nañinmij enaj diklok. Eñin ej jet wāween ko ñan am kejbarok ilo ien am aitel ro jet jekdoon ta wūnin am aitel ro jet.

• Wā im kadedelok wā in kakajur ilo ien kwōmaron bōke ñan kejbarok kwe make im armij ro rej bed iturim.

• Ejellok bōd in kajitōk elañe emōj an armij ro jet wā mokta jen am aitel armij ro jet kwōjab jokwe ibbeir. Kwōmaron kelet in bed wōt mweo imōm ak bukōt wāween am kobalok ibbeir elañe kwōj inebata.

• Jekdoon ejako an mennin aikuj bwe armij ren ekōnak kein kalbubu iturin māj ilo elōñ jikin ko ilobelej, bōtab ej jejjet wōt aer jerbal in kadiklok an ajeeded COVID-19. Emōj rōjañ am woñmaanlok in ekōnak kein kalbubu iturin māj ilo ien am aitel ro jet elañe:

• Kwōrūttolok jen 65 am iiō

• Emojno an enbwinnim maron bōbrae jen nañinmij

  • Ewōr juon am nañinmij kadede ej kōmman an lablok uwōta ñan an kauwōtata am nañinmij kin COVID-19

  • Jokwe ibben juon armij eo edeloñ iomwin laajrak kein

• Jab bed ilo jikin ko ejab emmon an deloñ diwōj mejatoto kāāl elabtata ilo ien ewōr armij.

• Kejbarok an diwōj deloñ mejatoto ilo am kōbellok wūnto ak kajo juon deel ak kein karreo mejatoto elañe kwōmaron.

• Ikut am kwal beim.

• Bed mweo imōm ñe kwōnañinmij ak ejab emmoon am mour, im jab kōmman ien aen doon.

• Teej elañe ewōr kakōlkōlin COVID-19 ko ibbam ak ñe kwar bed iturin juon armij eo ewōr COVID-19 ibben.

• Bed wōt ilo am kadedelok wā in COVID-19 ko am ñan an labtata joñan am kejbarok eok ilo ien am ito tak. Jet aelon remaron aikuj wā in COVID-19 ñan am deloñ.

• Kinke elablok am maron kebaak COVID-19, lomnak am ekōnak kein kalbubu iturin māj (aoleb ro 2 aer iiō im rūttolok) ilo wa ko rej ekatak armij ilobelej im ilo ien am bed ilo airport ko im jikin baj ak turain ko.

• Ikut am kwalok beim ñe ejab kōjerbal juon kein manman kij in ba ejab diklok jen 60% arkool kobban elañe ejellok joob im aeboj.

• Bōk teej eo 1-3 raan mokta jen ien ito tak eo im jab bed ilo jikin ko elab armij mokta im ilo ien ito tak eo.

Lukkun kejbarok ñe ewōr am nañinmij kadede ej likūt kwe ilo uwōta eo elablok in bōk nañinmij kauwōtata jen COVID-19 ak ñe kwōj bōk wūno ko rej kamojno an enbwinnim maron bōbrae jen nañinmij.

Emōj rōjañ am woñmaanlok in ekōnak kein kalbubu iturin māj eo ekwōn ioon botim im loñim jabdewōt ien am bed iturin armij, jekdoñ elukkun dedelok am wā im emōj am bōk wā in kakajur.

Kim ej kōjatdikdik am naj kejbarok jen nañinmij im ejmour ilo ien am aen doon ibben ro jet ilo aoleben yiō eo. Kabōk wā im wā in kakajur ilo am kūrlok 211, lale jikin wia wūno eo ilo jukjukinbed eo am ak opij eo an taktō, ak kōjerbal vaccines.gov.