Taktō

Telehealth, jet ien rej nae etan telemedicine, ej wāween am kenono ibben taktō ak koonjelor eo am ilo bideo, talebon, text, ak email.

Taktō ak taktō ro rej lale mūtōn armij remaron kōjerbal riukok bwe kwōn maron kōjerbal telehealth ilo kajin eo am. Aoleb taktō rej ebōk Oregon Health Plan rej aikuj lelok riukok ilo an ejellok wonnen. Elōñ taktō ro rej bar lelok riukok ilo Kajin Kakōlle eo an Amedka (ASL) ilo an ejellok wonnen.

Kall ak email taktō eo am ñan lale kain jerbal in jibañ ko remaron lewaj ilo telehealth im ñe kwōnaj aikuij jabdewōt kein jerbal kapeel ko an raan kein ejenolok ñan am kōjerbale.

Ñe kwōj kabōk wūno ko ñan kōmadmōd COVID-19, ewōr juon wāween kōjerbal telehealth ejellok wonnen jen 8 awa jibbon–8 awa jota, 7 raan ilo juon wiik.

• Ewōr ñan aoleb armij ilo Oregon, ejab aikuj injuran.

• Ilo 17 kajin ko ibben riukok ko rebed ñan aer lelok jibañ:

  • Amharic

  • Arabic

  • Chinese (Mandarin & Cantonese)

  • Belle

  • French

  • Haitian

  • Hmong

  • Korean

  • Kreole

  • Majol

  • Portuguese

  • Russian

  • Somali

  • Spanish

  • Tagalog

  • Vietnamese

Kwōmaron jinoe ien taktō eo am kein kajuon ejellok wonnen:

• Online (etal ñan color.com/covid-19-treatment-or ñan kōmmane juon am akkoun im ñan am jinoe)

• Ñe ejab kall ae lok (833) 273-6330 kōtaan 8 awa jibbon–8 awa jota PT, 7 raan ilo juon wiik.

Ilo ien emōj loe ke kwōmaron ebōk wūno in kōmadmōd ko, renaj likūt kwe ilo ien am kattar ñan ien taktō eo juon. (Ien kattar ko rej kōtaan 5-30 minit.)

• Ñe taktō enaj lewaj juon wūno in bōbrae nañinmij, kwōmaron loloorjak aer bokwaj iloan 24-48 awa ñe ejab am etal im bōki ilo jikin wia wūno eo ilo jukjukinbed eo am.

• Ñan kajitōk ak jibañ ko relablok, kwōmaron kebaak treatments@color.com ñe ejab kall ae lok (844) 352-6567 kōtaan 6 awa jibbon–8 awa jota PT, 7 raan ilo juon wiik.

Ñan armij ro rejab maron kōjerbal jibañ eo ak ro rej aikuj jibañ eo elablok ak mennin jibañ ko ñan aer bōki wūno kein, ewōr bar juon wāween. Kwōmaron loe jkin taktō ko kien eo an federal ej kili (FQHC ko) rej bōk kwōnaer ilo burokraam in ilo jikin Teej im Wūno in Kōmadmōd. Bukōte jikin ko rej ba “Jikin taktō eo HRSA ej jibañe” ñe ejab riiti Letā in Nuuj aoleb allon jen OHA kin Kein Jibañ in Kainemmon ko ñan COVID-19, kwōmaron loe ilo peij eo an OHA kin Wūno in Kōmadmōd ko ñan COVID-19 ñan juon laajrakin etan jikin ko.

Emōj an COVID-19 jañiji wāween ad ebōk jibañ in ejmour. Ñe ej emmon wōt ibbam kenono ibben taktō eo am ilo kein jerbal kapeel ko an raan kein ak ilo talebon, wāween in ej juon kelet ilo elōñ jikin ko. Kakōlkōlin taktō in ñi im ien taktō ko an ajiri rebar bellok ñan am etal ñan jikin taktō ko ñan am maron bōke jibañ ko kwōj aikuj. Eñin ej jet melele in jibañ ko ñe kwōj lomnak am kōlaajrake juon ien am etal im taktō:

• Kurlok ir mokta bwe kwon lale kain jibañ rot rej lewaj.

• Ñan koman bwe aoleb ren ejmour, remaroñ kajitok ibem bwe kwon kottar ilo wa eo wam ak ekonaak mej.

• Kelet bwe kwon konono ilo telpoon ko ak video konono ijelokin am et — kain lolok in rej naetan telehealth rej bed iumwin OHP im ebar loñ jortoklik plan ko jet.

JAB KATTAR ÑAN AM BŌKE WĀ IN BŪLU EO AM

Aoleb ro 6 aer allōñ im rūttolok rej aikuj bōke juon wā in būlu – elabtata ilo ien jorrāān in COVID-19 eo ear jelōte aoleben lal in. Wā in būlu eo elab an aurōk ñan armij ro ewōr aer nañinmij, lillab im lollap ro, ribōroro, rijerbal ro ilo jikin ejmour im ajiri ro.

Emaron bōk ruo wiik ñan an jejjet an jerbal wā in būlu eo, innem an mōkajlok am bōke ilo ien in enaj jibañ am jab nañinmij. Bōtab emōj rōjañ bōke wā in būlu eo ilo aoleben ien būlu eo, im ekkā an woñmaanlok mae Maaj ilo Oregon.

LALE IA EO KWŌMARON BŌKE JUON WĀ IN BŪLU

Kwōmaron ebōk wā in būlu ilo jikin ko iturim ilo vaccines.gov.

Bōk melele ko relablok kin wā in būlu eo jen Oregon Health Authority ñe ejab kūrlok 211