Bukōte uwaak ko kin kajitōk ko am kin wā

Ñe ewōr am kajitōk kin wā eo an COVID-19, aurok am bōke uwaak ko ñan kajitōk ko am. Eñin ej jet uwaak ko kin wāween aer kejbarok, wāween an wā eo jerbal, im ñaat im ia eo kwōmaron bōke wā eo.

Wā ko an COVID-19 rej ke letok kejbarok?

Aet. Wā ko an COVID-19 rej lelok ilo Oregon rej letok kejbarok. Emōj teeje wā ko ibben taujin armij ibelakin lal in. Rikilmej, Armij ro rej lukkun aer jikin ko, Latino/a, Asian American, Pacific Islander im armij ro rejab mouj kilier emoj aer kelet in kobalok ilo jerbal in katak kein ñan loloorjak ke wāween kein rej lelok kejbarok ñan armij ro ilo jukjukinbed ko aer. Emōj an teej kein kwalok ke aoleb wā ko rej letok kejbarok, im rej jerbal ñan bōbrae an armij jab lukkun nañinmij kin COVID-19.

Ewi wāween an wā kein jerbal?

Einwōt aoleb wā ko, wā ko an COVID-19 rej katakini enbwinnim kilen an manne kij eo im bōbrae am jab nañinmij. Rej lelok wā eo ilo jikin eo itulin in beim. Ñan jet kain wā ko, kwōnaj aikuji elablok jen juon wā. Wā eo am kein karuo enaj 3 ak 4 wiik ālikin wā eo am kein kajuon. Ñe kwōnaj bōke kain wā in, aurok am bōke wā ko ruo ñan an wā eo jerbal?

Imaron ke bōke COVID-19 jen wā eo?

Jab, kwōjab maron bōke COVID-19 jen wā eo.

Ta oktak eo ikōtaan wā ko an COVID-19 jemaron bōki?

Elōñ kombani ko rekkar kōmmane wā ko rej letok kejbarok im ejejjet aer jerbal im emōj an FDA kōmelim. Aoleb wā kein emōj im ej wōnmaanlok aer teeje ñan wāween aer letok kejbarok, im aoleb emōj kamool elukkun jejjet aer jerbal ñan bōbrae jen nañinmij kauwōtata im deloñ aujbitol.

Ejellok wā kein ewōr kij eo an COVID-19 kobban, innem kwōjab maron bōke COVID-19 jen wā ko.

Melele ko relablok kin wā ko roktak ewōr ilo website eo an CDC ilo kajin Belle, Spanish, Korea, Vietnam, im China eo Ebidodo.

Bōk melele ko relablok ilo Oregon Health Authority

Woñ eo emaron tōbrak ñan wā ta?

6 allon im rūttolok:
Pfizer
Moderna

12 iiō im rūttolok:

Pfizer

Moderna
Novavax (ebar wōr einwōt wā in kakajur ñan 18+)

Wā in COVID-19 ko jinointata (juon mōttan kein bōbrae kobban) jen Pfizer im Moderna emōj kabōjrak im ejako ad maron bōki. Mennin ej kin an kar wā ko jinoin kōmman ñan mōttan COVID-19 eo jinointata. Wā ko (ruo mōttan kein bōbrae kobban) emōj kōkkāāl im wā in kakajur ko an Pfizer im Moderna im ewōr kiō emōj kātmāne aer kejbarok jen nañinmij kauwōtata jen mōttan ko an COVID-19 im rej ajeeded ilo tōrre in.

Ñan armij ro rejab ak rebañ bōke wā in mRNA COVID-19 ak wā in kakajur, ewōr juon wā juon mōttan kein bōbrae kobban jen wā in COVID-19 eo an Novavax.

Ibōroro ak imaron naj bōroro. Imaron ke bōk wā eo an COVID-19?

Aet, ewōr kejbarok jen wā ko an COVID-19 ñe kwōbōroro, kwōj kaninnin, ak kajeoñ in bōroro, ak kwōmaron naj bōroro ilo jeklaj. Ejellok kein kamool ke wā ko an COVID-19 rej kōmman jorrāān ilo bōroro ak an juon maron naj bōroro. Kebaak taktō eo am elañe ewōr am kajitōk kin wā eo an COVID-19 im bōroro.

Ñe kwōbōroro, ak kwōj kab kōlōtak ak maron bōroro ilo jeklaj, wā ko an COVID-19 rej jibañ bōbrae jen nañinmij kauwōtata, mij, im abañ ko ilo ien bōroro.

Ij ke aikuj kolla wonnen wā eo?

Ñe ewōr am injuran ibben kien ak jikin jerbal, wonnen wā eo aikuj dik, elañe ewōr wonnen. Ñe ejellok am injuran in taktō, emaron wōr juon wonnen eo ej kobalok ibben wā eo. Kall ae lok 211 ñan jibañ kabōk injuran in taktō, juon jikin taktō ak juon taktō ilo jukjukinbed eo am.

Ij ke aikuj juon Citizen in Amedka ñan aō bōk wā eo?

Aoleb remaron bōke wā eo an COVID-19, jekdoñ jekjekin am kar deloñ ak jokwe Amedka. Remaron kajitōk melele ibbam einwōt etam im nōmba in talebon ilo ien am bōke wā eo, bōtab melele kein rebañ ajeeded im etal ñan jabdewōt. Aurōk bwe aoleb armij ro rej jokwe Oregon ren bōke wā eo.

Ewōr ke jabdewōt abnōnō ko rej walok alikin wā?

Alikin am bōke wā eo, kwōmaron enjaak ak loe jet abnōnō ko ekkā, einwōt piba, metak baim, ak lab mōk. Mennin ekkā im ej melelein wā eo ej jerbal im kakajur an enbwinnim maron bōbrae jen nañinmij bwe en maron manne kij in nañinmij eo. Abnōnō kein rej aikuj jako iomwin jet raan. Likūt juon kein kamololo, lab am idaak aeboj, im lab am kakkije. Wūno ko jemaron make wiaiki einwōt Advil im Tylenol remaron bar jibañ.

Abnōnō eo emaron walok:

• Metak beim

• Mōk

• Metak bar, piba, biō

• Metak majel, emetaktak

• Abañ emenono

Ta eo kwōn kōmmane:

• Aiji

• Kakkije ilo ien aikuj

• Kakkije, idaak wūno in metak. Ñe joñan piba eo ej 102 (kakōlle in tikori) ak lablok, kall taktō.

• Idaak wūno in metak. Kōmaanane ak aiji.

• Kall ae 911.

Ta eo enaj walok ālikin aō bōke wā eo?

Jekdoon ālikin am bōke wā eo, kwōj maron wōt kaajeeded COVID-19. Innem, wōnmaanlok am loor wāween kejbarok ko ñan am kejbarok kwe make im armij ro raurok ibbam:

• Ekōnak kein kalbubu iturin māj ilo ien aikuj ak emōj rōjañ

• Jab bed iturin armij ro jet ñe kwōnañinmij

• Ikut am kwal beim

• Kajeon in bed 6 ne ettolok jen armij ro kwōjab jokwe ibbeir

• Jab bed ilo jikin ko elōñ armij

• Kejbarok an dik joñan armij ro kwōj aen doon ibbeir im bed inaboj ilo ien kwōmaron

• Ilo ien am bed iloan em, kōlablok an mejatoto kāāl deloñ ilo am kōbellok juon wūnto ak kajo juon deel

Ta in “jukjukinbed eo elab joñan armij ro remaron bōbrae jen jejjetin juon nañinmij?”

Kwōmaron roñ an armij kenono kin “jukjukinbed eo elab joñan armij ro remaron bōbrae jen jejjetin juon nañinmij.” Ilo ien am bōke wā eo an COVID-19, enbwinnim ej katak wāween an manne kij eo. Etan mennin “bōbrae.” Jukjukinbed eo ewōr an kein bōbrae ej walok ilo ien eo ebwe joñan armij ro emōj aer bōk wā eo ñan kabōjrak an ajeeded nañinmij eo, kejbaroke aoleben jukjukinbed eo. Mae ien in, ej labtata kejbarok wōt ñan ad loor melele in kajinet ko ñan ad ekōnak kein kalbubu iturin māj ilo ien aikuj ak emōj rōjañ ñan kejbarok kumi ko reiiet jekdoon ālikin am bōke wā eo, ñan kejbarok aoleb armij ilo jukjukinbed eo?

Ta oktak ko an nañinmij eo?

Iowin ien, aoleb kij in nañinmij ko rej jañij im oktak, jet ien kōmmane ejjā mōttan nañinmij eo ekajurlok im lablok an kauwōtata. Jet ien ediklok aer kauwōtata, bōtab elablok aer kabobo. Jekdoñ ta jekjekin oktak ko, rej nae ettaer “oktak ko” an kij in nañinmij eo. Delta im Omicron rej waanjoñok in oktak ko an COVID-19 im emōj aer ajeeded ibelakin lal in.

Aoleb ien scientist ro rej kabōk oktak in COVID-19 ko rekāāl. Rej kōjerbal juon madmōdin kōlaajrak bōran ñan kalikar er, emaron jen jaambol in teej in COVID-19 ko rej kwalok ewōr nañinmij ak jen jaambol in dān ettoonon ko emōj bōke jen jikin kōmadmōd dān ettoonon ilo Oregon. Lale dān ettoonon elabtata an jejjet ñan kalikar oktak ko kinke rejab ellā ioon armij ro ewōr aer kakōlkōl ak jemlokin teej in COVID-19 ko rej kwalok ewōr nañinmij. Ej ellā wōt ioon kobban dān ettoonon ko, im jejela ke mōttan kij in COVID-19 rej jokwe ilo kibwe im raut. Lale dān ettoonon ej bar ba ñan kij ia eo oktak ko rej ajeeded iloan state eo.

Ilo ad lale oktak ko ilo wāween kein, ro ewōr aer kapeel kin public health remaron katak im letōk melele eo laajrak kin kajojo oktak in nañinmij eo:

• Joñan kabobo

• Joñan kauwōtata in nañinmij in COVID-19 emaron kōmman

• Jejjetin an jerbal wā im wā in kakajur

• Jejjetin kōmadmōdin COVID-19 ko

Ñan melele kin oktak ko an COVID-19 im rej ajeeded ilo Oregon, lale jikin melele in an Oregon Health Authority melele kin oktak in COVID-19, ej kōkkāāl aoleb wiik. Ñan katak kin oktak in nañinmij eo ibelakin aelon in, lale website eo an Centers for Disease Control and Prevention (Opij eo ej bōk eddon kejbarok im bōbrae jen nañinmij), im ekoba an niknik kōkkāāl in lale melele kin oktak in nañinmij eo.

Wā im wā in kakajur ko rej kein kejbarok eo ad emmontata jen nañinmijin COVID19, ajeeded im nañinmij kauwōtata. Kejbarok ko relablok einwōt ekōnak kein kalbubu iturin māj iturin armij ro jet im kattolok doon emaron ekkar ilo jet jekjek ko.